Skip to main content
NewMuslimPH Blog

𝗔𝗡𝗚 𝗞𝗔𝗟𝗜𝗚𝗔𝗬𝗔𝗛𝗔𝗡 𝗡𝗚 𝗣𝗔𝗥𝗔𝗜𝗦𝗢

1.) Ang mga taong papasok sa Paraiso ay magiging nasa pinaka perpekto, magandang anyo. Sila ay mananatiling bata magpakailanpaman, malakas at malusog, walang tensyon o pagkapagod.

2.) Ang Paraiso ay walang anumang sangkap na nagpaparumi sa isang bagay, mabahong amoy, sakit, o kahirapan.

3.) Ang mga puso at pananalita ay magiging dalisay. Walang sinumang masasaktan o naalipusta.

4.) Ang masarap, hinog na mga prutas ng Paraiso ay madaling maabot, nakahanda para sa mga naninirahan na pitasin ang anumang prutas na kanilang gustuhin. Anumang pagkain o inumin ay makukuha kapag hiniling.

5.) Ang umaagos na tubig sa ilog, alak (na hindi nakakalasing), gatas at pulot ay nakahanda para sa kasiyahan.

6.) Ang mga bukal ay dumadaloy, pinabango ng alkampor at luya, at luntiang makulimlim na paligid.

7.) Ang mga naninirahan sa Paraiso ay hahainan sa katangi-tanging ginto at pilak na mga kopita at mga pinggan.

8.) Ang kanilang pinakamagandang mga damit ay pinalamutian ng ginto, pilak at mga perlas, at ang amoy ng musk ay umaalingasaw mula sa kanilang mga katawan.

9.) Ang kanilang mga tahanan ay magiging mga palasyong kumpleto sa gamit na may pinong kagandahan.

10.) Sila ay mauupo at sasandal sa kanilang marangyang mga hardin. Ang mgagandang makukulay na mga upuan o sopa ay napapalibutan ng seda na may sinulid na ginto o pilak. Ang pelusang mga unan at kahanga-hangang mga karpet ay makakadagdag sa kasiyahan ng mga paningin, isang tahimik na lugar na malayo mula sa pagkagambala, payapa at labis na nakakaginhawa.

11.) Ang mga mananampalataya ay hahainan ng hindi mabibiling mga pagkain sa mga katangi-tanging piging ng mga walang kamatayang kabataan.

12.) Ang mga mananampalataya ay bibisitahin ang bawat isa at muling makakasama ang pamilya at mga kaibigan na nakapasok Paraiso.

13.) Ang mga mananampalataya ay matatamasa ang makalupa at makalangit na mga asawa, binibigyang-kasiyahan ang pagnanasa ng kaluluwa para sa pagsasama at kapalagayang-loob.

14.) Makikita ng mga mananampalataya ang Allah, ng malinaw at maliwanag. Ang lahat ng iba pang kagalakan ay walang halaga kung ihahambing sa kagalakan ng pagtingin sa pinakamagandang Mukha ng Allah. “Ang mga mukha ng mananampalataya ay magniningning at magiging maganda sa Kanyang Liwanag.” (75:22-23)

#NewMuslimPH

o.m@newmuslimacademy.ph

Subscribe
Notify of
0 Comments
Inline Feedbacks
View all comments
0
Would love your thoughts, please comment.x
()
x