Ang Qur’an ay ang salita ng Allah. Dahil dito, ay naglalaman ito ng lahat ng mabuti at matuwid. Nananawagan ito sa mabuting pag-uugali at moralidad. Sinabi ng Allah, “At ang Allah ay nananawagan tungo sa tahanan ng kapayapaan at nagpapatnubay sa sinumang Kanyang nais tungo sa matuwid na landas.” [10:25] Ang Islam at ang mga katuruan nito ay matatagpuan sa Qur’an at ang mga salita ni Propeta Muhammad (SAWS) ay nananawagan lamang tungo sa kabutihan, at nagbabala laban sa kasamaan at kapinsalaan.
