Skip to main content
HAJJ 1443 [2022]NewMuslimPH Blog

Ano ang mga benepisyo ng Hajj?


Ang lahat ng Papuri ay tanging sa Allah lamang.

Ang Allah, ang Kataas-taasan, sa Kanyang karunungan ay ipinag-utos ang isang gawaing pagsamba para sa sangkatauhan upang sila ay subukan at makita kung sino sa kanila ang pinakamahusay sa mga gawain at ang pinaka-matapat. Sapagka’t ang mga tao ay magkakaiba ang kanilang katauhan at pag-uugali.

Ang Hajj ay pinagsamang pisikal at pinansyal na panggugol. Sapagka’t ito ay nangangailangan ng paglalakbay at higit na pagsisikap kaysa sa ibang mga uri ng pagsamba, ito ay ipinag-utos lamang ng Allah na isagawa isang beses sa tanang buhay, at ito ay itinakda na dapat gawin sa mga may kakayahan na magsagawa nito. Sa pagkakaroon ng kakayahan na gawin ito ay may mga obligadong kondisyon ng pagkilos na itinakda sa gawaing ito at sa iba pa, nguni’t ang kondisyong ito ng pagkakaroon ng kakayahan na magsagawa nito ay higit na nagbibigay-diin sa pagsasagawa ng Hajj kaysa sa ibang mga gawain. Ang Hajj ay may malaking mga benepisyo, kasama rito ang mga sumusunod:

1. ) Ito ay ang pagsasagawa ng isa sa mga haligi ng Islam na kung wala ito ay hindi kumpleto.

2. ) Ito ay isang uri ng Jihad o pakikibaka para sa Allah; kaya binanggit ito ng Allah sa mga taludtod o berso ng Jihad. At ito ay napatunayan sa Al-Saheeh na ang Propeta (sumakanya nawa ang kapayapaan at pagpapala ng Allah) ay sinabi kay ‘Aa’ishah (kalugdan nawa siya ng Allah) ng kanya siyang tanungin kung ang Jihad ay obligado para sa mga kababaihan, kanyang tinugon ay “Oo, para sa kanila ay may isang Jihad o pakikibaka na hindi nakikipaglaban, ang Hajj at ‘Umrah.”

3. ) May napakalaking gantimpala para sa isang tao na magsasagawa nito sa itinakdang pamamaraan.

4. Sa Hajj, ang pag-alala sa Allah ay itinatag.

5. ) Sa panahon ng Hajj, ang mga Muslim mula sa lahat ng parte ng mundo ay nagsasama-sama at nagpapakita ng kanilang pagmamahal para sa isat-isa at nakikilala ang bawat isa.

6. ) Ang mga Muslim ay nagpapakita ng pagkakaisa sa panahong ito, lugar, mga pagkilos, at anyo.

7. ) Ang panahon ng Hajj ay nagdadala ng isang dakilang kabutihan sa parehong pang-espiritwal at pandaigdigang pagpapahayag, sapagka’t maaaring makamit ng mga Muslim ang kabutihan sa pamamagitan ng sama-samang pagdating, kaalaman mula sa isat-isa at pakikipag-negosyo o pakikipag-kalakalan.

8. ) Nakapaloob dito ang pag-aalay ng parehong obligado at mustahabb na mga sakripisyo, kung saan nagpapakita ng paggalang sa mga ritwal na ipinag-utos ng Allah, at pagkain mula sa karne at pagbibigay ng ilang bahagi sa kawang-gawa sa mga mahihirap.

#NewMuslimPH
#Hajj2022
www.NewMuslimAcademy.ph 

Comments

Subscribe
Notify of
0 Comments
Inline Feedbacks
View all comments
0
Would love your thoughts, please comment.x
()
x