Skip to main content
NewMuslimPH Blog

Terminolohiya sa Pagbabasa ng Qur-an

Para sa isang bagong Muslim o nagsisimula, ang ilang katawagan o termino na nakapaloob sa pagbabasa ng Qur’an at pag-aaral ay maaaring nakakalito. Narito ang ilang mga mahahalagang termino at ano ang kahulugan nito at ang tinutukoy nito:

Surah – ito ay tumutukoy sa isang kabanata o bahagi. Ang Qur’an ay binubuo ng 114 na mga kabanata, ang pinaka-maikli ay naglalaman ng 3 talata, at ang pinaka-mahaba ay naglalaman ng 286 na talata.

Ayah – ito ay tumutukoy sa isang talata o sipi. Ang bawat kabanata ay naglalaman ng isang bilang ng mga talata. Sa pangkalahatang pananalita, ang mahahabang mga kabanata ay nasa simula ng at ang mga maiikling kabanata ay nasa hulihan ng Qur’an.

Juz’ – ito ay tumutukoy sa isang bahagi ng Qur’an. Ang Qur’an ay hinati sa 30 bahagi. Ang ilang mga bahagi ay naglalaman lamang ng isang bahagi ng isang kabanata dahil sa kahabaan nito. Halimbawa, ang ikalawang (2) kabanata ay sumasaklaw ng halos 2 at kalahating bahagi. Samantalang ang ilang mga bahagi ay naglalaman ng maramihang mga kabanata dahil sa kanilang kaiklian.

Hizb – ito ay tumutukoy sa isang parte ng isang bahagi. Ang bawat bahagi (Juz) ay hinati sa dalawang parte, na nagkaroon ng kabuuang 60 bahagi ng Qur’an.

Rub’ – ito ay tumutukoy sa isang sangkapat ng isang Hizb (bahagi). Ang bawat hizb (bahagi) ay nahahati sa apat na sangkapat, na may kabuuang 240 sangkapat sa Qur’an. 

Tandaan: Ang mga bahagi, mga parte at mga sangkapat ng Qur’an ay idinagdag sa paglipas ng panahon upang mas madaling hatiin ang pagbabasa at pagsasaulo ng Qur’an. Karamihan sa mga tao, kapag tinutukoy ang Qur’an, ay binabanggit ito gamit ang mga pangalan ng kabanata o mga bilang, mga bilang ng talata, at mga bahagi.

o.m@newmuslimacademy.ph

Subscribe
Notify of
0 Comments
Inline Feedbacks
View all comments
0
Would love your thoughts, please comment.x
()
x